НҮБ-ын хөгжлийн хөтөлбөр "Монгол улсын төлөөллийн байгууллагыг бэхжүүлэх нь" төслийн хүрээнд 2017 оны 03-р сарын 24,25-ны өдрүүдэд нийслэлийн 9 дүүрэг болон Сэлэнгэ аймгийн Иргэдийн Төлөөлөгчдийн Хурлын цахим хуудас хөтлөгч, хөгжүүлэгчдийн нэгдсэн сургалт боллоо.
Тус сургалтад Хан-Уул дүүргийн ИТХ-ын Тэргүүлэгчдийн ажлын албаны Төлөөлөгч, намын бүлэг хариуцсан хэлтсийн Хэвлэл мэдээлэл, олон нийттэй харилцах ажилтан Т.Оргилдулам, ИТХ-ын сургалт хариуцсан мэргэжилтэн Г.Нямсүрэн болон бусад дүүргүүдийн 24 админ оролцлоо.
Сургалтаар khural.mn цахим хуудасны стандарт, цэс, ангилал, төрөл, мэдээ нийтлэл хэрхэн бэлдэх тухай мэдээлэл өгч, хэрэглээний дадлага хийлгэсэн юм. Түүнчлэн дүүрэг хоорондын сайн туршлагаа харилцан солилцож, үнэлэлт дүгнэлт өгсөн юм.