Хан-Уул дүүргийн Иргэдийн Төлөөлөгчдийн Хурлын даргын ивээл дор жил бүр уламжлал болгон ерөнхий боловсролын сургуулиудын ахлах ангийн сурагчдын дунд зохион байгуулж заншсан “АВАРГА АНГИ-2016” спортын наадам энэ сарын 29-31-ны өдрүүдэд Буянт-Ухаа спортын ордон болон дүүргийн Биеийн тамир, спортын ордонд зохион байгуулагдана.

Энэхүү спортын наадам нь ерөнхий боловсролын сургуулийн ахлах ангийн сурагчдын чөлөөт цагийг зөв боловсон өнгөрүүлэх, бие бялдарыг хөгжүүлэх, тэднийг биеийн тамир спортод татан оролцуулах зорилготой юм.

Уг тэмцээнд Хан-Уул дүүргийн төр болон хувийн ерөнхий боловсролын сургуулийн эрэгтэй, эмэгтэй баг тамирчид сагсан бөмбөг /эр, эм/, ширээний теннис /эр, эм/, шатар /эр, эм/, гар бөмбөг /холимог/ гэсэн төрлөөр 3 бүсэд хуваагдан зохион байгуулагдах юм. Тэмцээнд ангийн нийт сурагчдыг татан оролцуулахын тулд нэг хүүхэд спортын нэг төрөлд оролцох журамтай юм. Энэ жилийн “Аварга анги-2016” спортын наадамд Хан-Уул дүүргийн төр болон хувийн 17 сургуулийн 252 баг оролцохоор мэдүүлэгээ өгч, сугалаагаа сугаллаа.

              ИТХ-ЫН ТЭРГҮҮЛЭГЧДИЙН АЖЛЫН АЛБА