Монгол Улсын Ерөнхийлөгчийн 2016 оны гуравдугаар сарын 16-ны өдрийн 19 дүгээр зарлигаар Хан-Уул дүүргийн 81 иргэн төрийн дээд одон медалиар шагнуулсныг өнөөдөр дүүргийн Иргэний танхимд гардуулан өгөв.

Шагналыг Хан-Уул дүүргийн ИТХ-ын дарга Д.Батбилэг, Засаг дарга Ж.Ганхуяг, Засаг даргын орлогч Т.Чингүнжав, С.Баасандолгор, Д.Анхбаяр, ИТХ-ын Төлөөлөгч, Тэргүүлэгч О.Батхуяг, Т.Пүрэвчулуун нар гардуулан өгч, баяр хүргэн эрүүл энх сайн сайхныг хүсэн ерөөлөө.

Монгол цэргийн өдөр-Зэвсэгт хүчний 95 жилийн ой, Казак түмний Наурызын баяр олон Олон Улсын эмэгтэйчүүдийн эрхийг хамгаалах өдрийг тохиолдуулан Хан-Уул дүүргээр овоглогдсон 31 иргэн Хөдөлмөрийн хүндэт медаль, 42 иргэн Алтан гадас одон, 2 иргэн Цэргийн гавьяасны одон, 5 иргэн Хөдөлмөрийн гавьяаны улаан тугийн одон, 1 иргэн Монгол Улсын спортын мастер цол тэмдгээр шагнууллаа.

                         ИТХ-ЫН ТЭРГҮҮЛЭГЧДИЙН АЖЛЫН АЛБА