Хан-Уул дүүрэг 2014 оноос хойш "Хүүхдэд ээлтэй Хан-Уул" хөтөлбөрийг хэрэгжүүлж байгаа билээ. Уг хөтөлбөрийн хүрээнд өнөөдөр ХУД-ийн Засаг даргын нэрэмжит "Хан-Уул робо-2016" роботын тэмцээнийг амжилттай зохион байгууллаа. Тус тэмцээнд 10 сургуулийн 18 багийн 90 сурагч оролцлоо.

"Хан-Уул робо-2016" роботын тэмцээний тэргүүн байранд 41-р сургуулийн Э.Энхбат багштай "Оnline" баг шилдэг боллоо. Удаах байранд 26-р сургуулийн Г.Мөнхтулга багштай "Ирээдүйн инженер" баг шалгарсан бол гуравдугаар байранд мөн 41-р сургуулийн Э.Энхбат багштай "Robocop" баг тус тус шалгарлаа.

Анх удаа зохион байгууллагдаж буй "Хан-Уул Робо-2016" тэмцээнээс ирээдүйн зохион бүтээгчид, шилдэг инженерүүд төрнө гэдэгт итгэл төгс байгаагаа зохион байгуулагчид онцлож байлаа.

ИТХ-ын Тэргүүлэгчдийн Ажлын алба