Монголын анхдугаар Богд Өндөр гэгээн Занабазарын мэндэлсний 380 жилийн ойг тохиолдуулан 100 жилийн өмнө Их хүрээнд тэмдэглэдэг байсан Даншиг наадмыг сэргээн Монголын Бурхан шашны сүм хийдүүд, нийслэлийн Засаг даргын Тамгын газартай хамтран “Хүй долоон худаг”-т энэ сарын 8, 9-ний өдрүүдэд зохион байгууллагдаж Нийслэлийн Хан-Уул дүүргийн Иргэдийн Төлөөлөгчдийн хуралын дарга болон тэргүүлэгчдийн ажлын алба бүрэн бүрэлдэхүүнээрэй оролцож уг наадмыг тэмдэглэн өнгөрүүллээ.
“Даншиг наадам-Хүрээ цам-2015” наадам нь энэ сарын 8-ны өдөр Чингисийн талбайд 06:00-08:00 цагийн хооронд 600 гаруй лам нийслэлийн иргэд, сүсэгтэн олонд зориулж ном хурах ёслолоор эхэлсэн бөгөөд хоёр өдрийн турш “Хүй долоон худаг”-т Соёмбот туг залах ёслол, Мандал өргөх ёслол, Очирваанийн шүтээний тахилга, Өндөр гэгээний дүрийг залах ёслол, Цам харайх, Маани татах, Хүчит бөхийн барилдаан, Хурдан морины уралдаан, Үндэсний сурын харваа, Лам нарын тэмцээн, Урлагийн тоглолт, Аялал жуулчлалын үзэсгэлэн болж өндөрлөлөө.
