дүүргийн замын Цагдаагийн тасгийн дарга М.Отгонбаяр Яармаг, Нисэх чиглэлийн Наадамчдын гудмын хоёр урсгалтай замын гэрэлтүүлгийн талаар ИТХ-ын Тэргүүлэгчдийн хуралдаанд танилцуулла. Энэ асуудалтай холбогдуулан дүүргийн Төлөөлөгчид, ЗДТГ-ын дэргэдэх хэлтэс албадын төлөөллөөс бүрдсэн ажлын хэсэг байгуулагдан 2015.02.25-ны өдрийн 18-20 цагийн хооронд газар дээр нь очиж танилцахад замын гэрэлтүүлэг стандартын дагуу суурилагдаагүйгээс 1 дүгээр эгнээнд 50 хувийн, 2 дугаар эгнээнд 80 хувийн, 3 дугаар эгнээнд 100 хувь харанхуй буюу гэрэлтүүлэггүй, гэрэлтүүлгийн шон замын зорчих хэсгээс 1.8 метрийн хол зайтай суурилагдсан, цахилгааны холболт стандарт бус байдлаар хийгдсэн зэрэг зөрчлүүд илэрлээ.