Нийслэлийн Иргэдийн Төлөөлөгчдийн Хурлын Тэргүүлэгчдийн Ажлын албанаас “Дэлхийн зөн” ОУ-ын байгууллагатай хамтран өнөөдөр /2018.05.01/ нийслэл, дүүргийн хурлын Тэргүүлэгчдийн нарийн бичгийн дарга бөгөөд Ажлын албаны дарга, Ажлын албаны Иргэний оролцооны хэлтэс, Иргэний танхимын ажилтнуудад сургалт зохион байгууллаа.

      Энэхүү сургалтын зорилго нь Иргэний танхим болон танхимын ажилтны ажлын чиг үүргийг боловсронгуй болгох, иргэдийн санал авах ажиллагаа-хэлэлцүүлэг зохион байгуулах, хамтран ажиллах, туршлага мэдээлэл солилцох, нийслэл, дүүрэг, хороодын иргэний танхим хоорондын цаашдын хамтын ажиллагааг сайжруулах зорилгоор зохион байгуулсан юм.

        Сургалтад Хан-Уул дүүргийн ИТХ-ын Тэргүүлэгчдийн нарийн бичгийн дарга бөгөөд Ажлын албаны дарга Ж.Ичинноров, Хууль тогтоомж, хурлын шийдвэрийн сурталчилгаа, хяналтын хэлтэс, Иргэний танхимын ажилтнууд оролцлоо.

#Сургалтын хүрээнд:

- “Иргэний танхим”-уудын үйл ажиллагааны цаашдын #чиглэл, бодлого сэдвээр МУ-ын Ерөнхийлөгчийн Тамгын газрын Иргэний танхимын асуудал эрхэлсэн зөвлөх Д.Аззаяа

- Нутгийн өөрөө удирдах байгууллагын #төлөвшлийн асуудал сэдвээр Засгийн газрын Ахлах референт П.Зоригтбаатар

- Захиргааны ерөнхий хуулийн хэрэгжилтийн байдал, хэлэлцүүлэг зохион байгуулах тухай сэдвээр Хууль зүй, дотоод хэргийн яамны Захиргааны хэм хэмжээний актын хяналт бүртгэлийн хэлтсийн Ахлах мэргэжилтэн Д.Алтантуяа

- Нийслэл, дүүрэг, хороодын иргэний танхимын #хяналтын ажиллагаа, иргэний оролцоог хангах асуудал сэдвээр Нийслэлийн ИТХ-ын Хуралдаан зохион байгуулалт, иргэний оролцооны хэлтсийн дарга М.Халтар

- Дүүрэг, хорооны #иргэний танхимын үйл ажиллагаа, иргэний #оролцоог хангах асуудлын талаар хэрэгжүүлж буй ажил, #туршлага сэдвээр Чингэлтэй дүүргийн ИТХ-ын Тэргүүлэгчдийн нарийн бичгийн дарга бөгөөд Ажлын албаны дарга Ц.Алтанцацрал

- Орон нутгийн иргэдийг оролцуулах #арга #зүй сэдвээр “Дэлхийн зөн” ОУБ-ын олон нийтийн хамтын ажиллагаа хариуцсан мэргэжилтэн Т.Өлзийханд нар мэдээлэл, танилцуулга хүргэсэн юм.