Өнөөдөр /2014.08.20/ Монголын Улаан Загалмайн Нийгэмлэг, Нидерланд улсын санхүүжилтээр хэрэгжиж байгаа төслийн хүрээнд Хан-Уул дүүргийн алслагдсан хороод буюу 13,14-р хорооны айлуудаас жорлонгоо шинэчлэх боломжгүй олон хүүхэдтэй өрх толгойлсон эмэгтэй, ганц бие ахмадууд буюу нэн ядуу 30 өрхийг сонгон гэр хорооллын нүхэн жорлон буюу агааржуулагчтай, үнэргүй, хөрсийг бохирдуулахгүй сайжруулсан 30 ширхэг жорлонг иргэдэд хүлээлгэн өглөө. Уг арга хэмжээнд ИТХ-ын дарга Д.Батбилэг болон дүүргийн УЗХ-ын дарга Д.Ган-Оч, 13-р хорооны Засаг дарга Э.Бүрэнтөгс, 14 дүгээр хорооны Засаг дарга Г.Батсуурь нар оролцлоо.