Хан-Уул дүүргийн ИТХ-ын Байгаль орчин, экологийн хороо, Гэмт
хэргээс урьдчилан сэргийлэх ажлыг зохицуулах салбар зөвлөл, Тэргүүлэгчдийн
Ажлын алба болон "Шинэ суурьшил, эрүүл аюулгүй орчин" ТББ-ын
төлөөллийн оролцоотой "Хан-Уул дүүргийн байгаль орчныг хамгаалахад төр,
төрийн бус байгууллагын түншлэл" сэдэвт сургалтыг өнөөдөр /2017.01.11/
зохион байгууллаа.
Сургалтыг "Хөвсгөл далайн эзэд" ТББ-ын тэргүүн
Б.Баярмаа удирдан явуулсан бөгөөд "Иргэдийн байгаль орчны мэдээлэл авах
эрхийн хэрэгжилт, цаашид анхаарах асуудлууд", "Байгаль орчныг
хамгаалахад олон нийтийн хэлэлцүүлэг, нээлттэй сонсголыг ашиглах боломж",
"Туул голыг хамгаалах тухай УИХ-ын ӨБХ-ны 03 ба 05 тоот тогтоолоор Засгийн
газарт өгсөн чиглэлүүд ба түүний хэрэгжилтийн үнэлгээ", "Байгаль
орчны журмын эсрэг гэмт хэрэг, зөрчлүүд, түүний шалтгаан бууруулах арга зам,
дүгнэлт зөвлөмж", ХУД-ийн ИТХ-ын Байгаль орчин, экологийн хороо болон
дүүргийн ГХУСАЗСЗ-ийн 2018 оны ажлын төлөвлөгөөнд тусгах байгаль орчны асуудлуудыг
хэлэлцэх" зэрэг сэдвээр харилцан мэдээлэл солилцлоо.
