Монгол Улсын шинэ Үндсэн хууль батлагдсан өдрийг жил бүрийн нэгдүгээр
сарын 13-ны өдөр улс орон даяар тэмдэглэн өнгөрүүлдэг уламжлалтай.
Энэхүү өдрийг тохиолдуулан Шатар сонирхогчдын улсын аварга шалгаруулах
тэмцээнийг УИХ-аас зохион байгуулаад зургаа дахь жилтэйгээ золгож байна.
Гурван үе шаттай зохиогддог энэхүү тэмцээний анхан шатны шалгаруулалт Хан-Уул дүүргийн хэмжээнд 2017 оны 11 дүгээр сарын 18,19-ний өдрүүдэд дүүргийн Соёлын ордонд зохион байгуулсан бөгөөд тэмцээнд 16 хорооны эрэгтэй 34, эмэгтэй 10 нийт 44 тамирчин хоёр өдрийн турш хүч, оюун ухаанаа сорьж аваргаа тодруулсан юм.
Ирэх сард сум, дүүрэг тус бүрээс шалгарсан аваргууд хагас шигшээ тоглолтоо хийж оюун ухаан, авхаалж самбаагаа дахин сорьж өрсөлдөх юм. Хан-Уул дүүргээс шалгарсан тамирчид та бүхэнд амжилт хүсэн ерөөе.
