Нийслэлийн Иргэдийн Төлөөлөгчдийн Хурлын Төлөөлөгч Ё.Цацралтуяа Хан-Уул дүүргийн 2, 7, 8 дугаар хороодын Өрхийн эрүүл мэндийн төв, иргэдийн санал хүсэлтэд тулгуурлан иж бүрэн компьютер /DELL-I7/, принтерийг тус хороодын өрхийн эрүүл мэндийн төвүүдэд угсран суурилуулж хүлээлгэн өглөө.

Энэхүү ажил нь “Нийслэлийн Орон нутгийн хөгжлийн сан”-гийн хөрөнгөөр хийгдэж байгаа бөгөөд “Сүүн-Уул” ХХК гүйцэтгэгч байгууллагаар ажилласан байна.

Өрхийн эмнэлгийн үйл ажиллагааг дэмжих, иргэдийн мэдээлэл цахимжих ажилд дэмжлэг үзүүлсэн энэхүү арга хэмжээнд НИТХ-ын төлөөлөгч Ё.Цацралтуяа, Нийслэлийн Эрүүл мэндийн газрын мэргэжилтэн Ц.Ганбаатар, ХУД-ийн 2, 7, 8 дугаар хорооны удирдлагууд болон иргэдийн төлөөлөл оролцлоо.