Ламын гэгээний наймдугаар дүр Данзанжамбалчойжишэниний урилгаар Тайвань улсаас 20 гаруй хүний бүрэлдэхүүнтэй нарийн мэргэжлийн эмч, сувилагч нарын баг Баянхонгор аймагт хүрэлцэн ирж, нутгийн ард иргэдэд уламжлалт анагаах ухааны чиглэлээр үнэ төлбөргүй үзлэг, оношлогоо хийлээ.
Тус аймгийн ИТХ-ын дарга Д.Ширмэн Тайваний эмч нарыг хүлээн авч уулзан хол газраас зорин ирж, Баянхонгорчуудад үнэ төлбөргүй эрүүл мэндийн үйлчилгээ үзүүлсэнд нь талархал илэрхийлэв. Уулзалтын үеэр үзлэг оношлогоонд хамрагдсан иргэдийн дунд цусны даралт ихсэх өвчлөлийн үзүүлэлт өндөр байгааг Тайваний эмч нар цохон дурдсан байна.